Taariikhda Itoobiya kuma jirto wax sinaan iyo cadaalad ah oo waana ay soo martay xoog uunbayna wax ku kala qaadataa. 26, May 2010 (AN) Itoobiya oo ah dawlad ku dhisan xaqdaro iyo digtaatoorinimo ayaan waligeed soo marin cadaalad iyo sinaan wax lagu qaybsado sida taariikhdeeda ku cad waxaa waligeed ka soo jiray cadaalad daro iyo isu awood sheegasho waxaa lawada ogayhay intii Itoobiya xukuumad soo martay in aynan midina doorasho wax ku qaadanin balse ay ahayd xoog iyo dhiig daata. Laga soo bilaabo xiligii uu Minilikh talada Itoobiya hayay ilaa maanta kan haya waxaa isa soo daba taxnaa digtaatoorinimo iyo boob, dalka Itoobiya oo asal ahaan ah shucuub laysku qasbay oo aan waxba wadaagin kana kooban qoomiyado ku kala duwan luuqada, diinta iyo dhaqanka intaba waxaa si xoog ah isugu keenay boqortooaydii Aabsiiniya la odhan jiray oo ah halka ay cadaalad daradu ka soo unkantay. Waxaa Itoobiya isaga dambeeyay xukuumado ay hogaaminayeen madax kali talis ah oo aan ogolayn in ay dadku si xor ah u noolaadaan ama u fikiraan kolkaad eegto qaabka uu u soo taxnaa muquunsigu waxaad si wanaagsan u garanaysaa in ay Itoobiyanimadu tahay mid aan jiri karin hadii cadaalad la helo sidaas daraadeed marwalba madaxda Itoobiya xukuntaa waxay raacdaa wadadii ay kuwii ka horeeyay jeexeen, xiligan maanta lagu jiro oo ah xili uu caalamku ka guuray kana gudbay kala sarayntii iyo is adoonsigii ayay Itoobiya doonaysaa inay dad aan waxba wadaagin isku hayso. Maamulka Itoobiya ka jiraa waa mid xaqiiqadu ka daboolantahay kuna nool khayaali iyo huuhaa una haysta in uu aduunka sidaas wax kaga iibin karo , waxaa la gaadhay xiligii ay maryaha aloolka ee Itoobiya laysku yidhaahdaa kala yaaci lahaayeen waxaana soo dhawaatay cadaaladii iyo xaqa aayo ka tashiga ee qoomiyadaha laysku qasbayo gaar ahaan shacabka Ogadeniya ma sii ahaan doonaan dad Itoobiya ku hoos nool hadii ay Itoobiya sii jirto iyo hadii ay kala yaacdaba shacabka Ogadeniya waxaa geed ka go'an ah in ay awood iskaga dul qaadaan heeryada gumaysiga ee mudada dheer saarnayd. Awaare.net Awaarenet@yahoo.com Home Copyright © 2010 Awaare.net All Rights Reserved.